भारत दाई तोर वो, नइ कर सकन बखान।
ज्ञानी ध्यानी संत जन, जनमे तैं संतान।।
Bharat daai tor vo,nai kar sakan bakhaan
Gyaani dhyani sant jan, janame tain santaan
कबिरा राम रहीम अउ, किसन भगत रसखान।
बाढ़िस इंखर काम ले, मोर दाइ के मान।।
Kabira ram rahim aoo,kisan bhagat rasakhaan
Baadhis inkar kaam le,mor daai ke maan
जात पात के भेद मा, माचिस खींचातान।
छुआ छूत के जाल मा, फंद के मरिन मितान।।
Jaat paat ke bhed ma,maachis khinchaataan
Chhuaa chhut ke jaal ma,fand ke marin mitaan
माह दिसंबर ताय जी, अट्ठारा तारीख।
सन सतरा सौ छप्पने, दे बर आइन सीख।।
Maah disambar taay ji,18 taarikha
San 1756,de bar aain sikh
होय कुरीत के खात्मा, जागिस मन मा आस।
अमरउतिन के कोंख ले जन्मिन घांसीदास।।
Hoy kurit ke khaatmaa,jaagis man ma aas
Amarautin ke konkha le,janmis ghasidas
मंतर उंखर सात ठन, जीवन राह देखाय।
मनखे मनखे एक के, सुंदर भाव जगाय।।
Mantar unkhar saat than,jivan raah dekhaay
Manakhe manakhe ek ke,sundar bhaav jagaay
महिमा तो सतनाम के, सुघ्घर करिन बखान।
पर मनखे के सोच हा बदलिस नही सियान।।
Mahimaa to satnaam ke, sughghar karin bakhaan
Par manakhe ke socha,badalis nahi siyaan
संत सबो के मंत्र ह, होथे एक समान।🖕🖕🖕🖕
गुरु घासीदास बाबा ल, बारंबार प्रनाम।।🙏🙏🙏🙏
Sant sabo ke mantra h,hothe ek samaan
Guru ghasidas baba l,baarambaar pranaam….. ✍✍✍