जनऊला ( पहेली )
Definition:- जनऊला एक दिमाक लगाय वाले सवाल होथे। जनऊला दिमाक ल सोचे बर मजबूर करईय्या सवाल होथे। जनऊला के सब्बो भाखा म अर्थ लुकाय रईथे। जईसे के खाल्हे म लिखाय हे-
खोणर खोणर खोर्री, 6 आंखी 3 बोर्री ?
जवाब:- नांगर जोतत नगंरीहा।
फरय न फूलय, सूपा भर टुटय ?
जवाब:- राख।
नानकन टुरी कूद कूद के पार बांधय ?
जवाब:- सूजी अऊ धागा।
हरीयर आटा लाली पराठा ?
जवाब:- महेन्दी।
छितका कूरीया म बाघ नरीयावय ?
जवाब:- जतवा।
एक झन टुरी अब्बड टोनही ?
जवाब:- मिरचा।
चरत चरत ले चर बोकरा चारा सिरागे मर बोकरा ?
जवाब:- दिया अऊ बाती।
तीन गोंड के तितली नहा खोर के निकली ?
जवाब:- समोसा।
ये पार पचरी ओ पार पचरी बिच म खेलय मोंगरी मछरी ?
जवाब:- जीभ।
नानकन टुरी के अब्बड चुन्दी ?
जवाब:- नरीयर।
कांचा नरीयर के पाका बूच नई जानबे त तोर बबा ल पुछ ?
जवाब:- पताल।
दिन के सोये रात के जागे ?
जवाब:- घूघवा।
रात नंगरी दिन के पहिरे ?
जवाब:- ढंगनी।
गुनमून गूनमून गेये भकरस ले ऊन्ढाय, खसर खसर मारे सरपोट के ऊठाय ?
जवाब:- सिल लोढवा।
छिकी निकी बुग बाय पितल के लोटा, नई जानही तेन बेन्दरा के बेटा ?
जवाब:- बेल।
आगू सूलूंग सपेटा पिछू चकराय ?
जवाब:- बईला गाडी।
काटे म कटाय नहीं बोंगे म बोंगाय नहीं ?
जवाब:- आगी, पानी।
केसरपुर के बघवा भईय्या, चिम्टूल म चले आय, हथेलीपुर म देखनी होगे, नखऊटी म जीव जाय ?
जवाब:- जूंहा।
रात के खढे दिन के सोय ?
जवाब:- गेरवा।
तोर दाई के दू ठन अऊ तोर ददा के एक्के ठन ?
जवाब:- गोती।
एक सिंघ के एक ठन गाय जतके पाय ओतके खाय ?
जवाब:- जतवा।
एक ठन मन्दिर के दू दरवाजा ओमा ले निकलय संभू राजा ?
जवाब:- रेंवट।
एक ठन प्लेट म दू समोसा एक ठण्डा एक गरम ?
जवाब:- चंदा अऊ सूरूज।
लकर धकर गेये संगवारी दूनो गोंड चकराय, तीन खबोसा मारके हेरत चुचवाय ?
जवाब:- कुंवा म पानी भरई ।
एक सूपा लाई दुनिया भर बगराई ?
जवाब:- चंदयनी।
एक आदमी के दू झन बेटा एक हारा एक जीता ?
जवाब:- हथेली।
एक चिरईन के लट ओखर डेना बाजय पट खर्री ओदार गूदा मजेदार ?
जवाब:- कठई।
कारी टुरी गोलदार फईकर देवय जोडदार?
जवाब:- घोंघी।