छत्तीसगढ़ी नाव ( संज्ञा ) मतलब | Definition of Noun | संज्ञा के परिभाषा |
Definition ( मतलब ) :- कोनो मनखे, चीज, जाति, रुख राई, पहाड़ डोण्गरी अऊ अबड जेखर चिनहारी कोनो भाखा ले होथे ओला नाव कहिथें। अऊ ओही नाव ल हिन्दी म संज्ञा कहिथें।
संज्ञा कोकरो भी नाव हो सकथे जीव के चाही निर्जीव के। जीव के भीतर ओ जम्मो जिन्दा जीव मन आथें जेखर साहच चलथे अऊ निर्जीव के भीतर ओ जम्मो मन आथें जेखर साहच नई चलय जईसे के :- पथरा, माटी,कागच,पेन,गोंटी,रद्दा, आदमी, छेरीया,बईला,सोंणवा,कुरिया,जिहाज,कुर्था अऊ अबड ये सब नाव ( संज्ञा ) हरय ।
छत्तीसगढ़ी नाव ल बने असन समझे बर खाल्हे म नाव ( संज्ञा ) दे गे हवय पणहा अऊ समझव-
Example:-
कोलिहा रोज रात कन नरियाथे।
खोखमा फूल्थे त बने दिखथे।
चिरईन अपन पिलव के मुह म चारा डारथे।
अशोक बने मनखे आय।
पेण के जरी भुंईय्या तरी तोपाय रईथे।
आमा फर देखे म कतका सुघ्घर लगथे।
टेकटर समान णोहारे के छोण भुंईय्या घलो जोथ्थे।
उपर म दे गे भाखलाईन ( वाक्य,कथन ) म कोलिहा,खोखमा,चिरईन,अशोक,पेण,आमा अऊ टेकटर ये सातो नाव ( संज्ञा ) हरय।
छत्तीसगढ़ी नाव ( संज्ञा ) के किसम | kind of Noun | संज्ञा के प्रकार |
छत्तीसगढ़ी म नाव ( संज्ञा ) के किसम पाच ठन होथे जईसे हिन्दी म संज्ञा के पाच ठन किसम होथे जेला खाल्हे म लिखे गे हे-
नाव ( संज्ञा ) के किसम-
खासबातुक नाव ( व्यक्तिवाचक संज्ञा / Proper Noun )
Definition:- कोनो खास चीज के नाव, मानुस के नाव,जीव,घुमे के जगा,ऑफिस अऊ अबण ये जम्मो ( व्यक्तिवाचक संज्ञा ) कहाथे।
Example:-
आदित्य,रानी,ताजमहल,फूलवारी,स्कूल,धरमसाला,मण्दिर,कारीयालय,दईहान अऊ अबण।
जातबातुक नाव ( जातिवाचक संज्ञा / Common Noun )
Definition:- अईसे भाखा जेन भाखा से कोनो जीव,आदमी,चीज के जाति होय के पता चलथे ओ जम्मो नाव ह ( जातिवाचक संज्ञा ) कहाथे।
Example:-
मानुस,कुकूर,कुकरी,बईला,फूल,कुर्था,जिहाज,कागज,टुरी,टुरा,माइलोगीन,लईका,जंगल अऊ अबण।
भिणबातुक नाव ( समूहवाचक संज्ञा / Collective Noun )
Definition:- अईसे भाखा जेन भाखा से कोनो चीज,समान,जीव,निर्जीव के अऊ अबण के भिण होय के ईसारा या फेर बात बताथे ओ ह भिणबातुक नाव ( समुहवाचक संज्ञा ) कहाथे।
Example:-
भिण,झुण्ण,पण्चईत,जुरीयाय,गोण्जियाय,गट्ठा,जूरी,ठोलीयाय अऊ अबण।
हालबातुक नाव ( भाववाचक संज्ञा / Abstract Noun )
Definition:- जेन भाखा से आदमी,जानव,चीज अऊ अबण के गुन, हालात,हाल,चाल-चलन,गोठ-बात अऊ अबण के पता चलथे ओ भाखा ह हालबातुक नाव ( भाववाचक संज्ञा ) कहाथे।
Example:-
लंभरी,सोझवा,नानकुन,बने,कायेर,तोतरा अऊ अबण।
हालबातुक भाखा के ओरियाय-
घन जंगल अक्सर सांय ले करथे।
कृष्णा दही चोट्टा रहिस।
साप ह चाबथे।
बोल्डर गरू रईथे।
आमा पक्का हे।
चीजबातुक नाव ( पदार्थवाचक संज्ञा / Material Noun )
Definition:- कोनो चीज ल पदार्थ होय के पता चलाथे वोइसे भाखा ल चीजबातुक नाव ( पदर्थवाचक संज्ञा ) कहिथें।
Example:-
तांबा,टीना,लोहा,सिलवर,काण्छ,पलासटीक अऊ अबण चीजबातुक के भीतर आथे।